نفى المغني المغربي عبد العزيز الستاتي أن تكون المساعدات التي قدمها لساكنة أحد الدواوير “دعاية سياسية”.
واعتبر الهدف من المبادرة ونشر مقطع الفيديو على صفحته على فيسبوك هو “تحفيز الفنانين والرياضيين على أن يحذو حذوه”.
وكتب على صفحته: “كاينين ناس مساكن اللي باقا واحلة فالدغمة والجغمة ومالاقيا لباش تغطا وأنا إنشاء الله والله يقدرني وغادي نجول بهاد العملية جميع أنحاء المملكة واخة تكون عاندي غير 4 دريال نقسمها مع المساكين حيث أنا اللي حاس بيهم مريت من الجوع والبرد ودازت عليا، والهدف من التصويرأو الصور هو تحفيز الفنانين والرياضين باش تاهوما ينوضو يتكاتفو ونشفوهم تاهوما فالجبال ويعاونو الناس ويصورو لينا ويتفلعصو علينا فالخير ماشي نبقاو تصاورنا غا فالأفيشات وفالكوستارات والتكاشط هذه رسالة للجميع نوضو حنا نتكاتفو ونديرو يد فيد وعلاش لا نبنيو مدارس سبيطارات وزيد وزيد.”
وأضاف: “أما بخصوص بعض الأفواه اللي كتدعي أني غنترشح أو غندخل عالم السياسة فهذا مجرد كذب وبهتان أنا عمرني نترشح أو ننتمي لشي حزب من غير المغرب أنا ديال لمغاربة كلهم وغادي نبقا ديالهم بشعاري الخالد الله الوطن الملك.”
وكان المغني المغربي عبد العزيز الستاتي قد نشر مقطع فيديو في الثامن عشر من يونيو الجاري، يوثق لعملية تقديمه مساعدات لساكنة دوار تيغزة المهجورو الذي يقع في شرق جنوب أولاد علي بن عيسى، بإقليم تازة.
تعليقات الزوار
سير الله يعطيك الصحة..والفنانين والرياضيين وكاع الناس اللي عندهم الفلوس..كنتحداهم يديرو بحااك..وغير اللي فيه النفس اللي غيدير بحالك..حيث لوكان يعرفو الناس القيمة ديال هاد الاجر...غدي يديىوه ولكن للتسف..معرفينش باي هوما اللي رابحين في الاخير..منين غادي نموتو مغدي نديو الا العمل..ديال الخير. معانا...
منين جاتك بفلوس؟؟؟ كن صريح و هات جواب مقنع
صوروني انا كاندير الخيـــــــــــــــر.........
صراحة مبادرة يشكر عليها الفنان الستاتي كما قال في كلامه انه قام بهده المبادرة للتشيجع بعض الفنان لكي يقوم بنفس المبادرة وزرع روح التضامن مع اخوانهم المحتاجين. وملاحظة في مايخص الستاتي سبب قيامه بهده المبادرة هو انه يعرف هده المناطق ومناطق اخرى بالمغرب العميق السبب هو هوايته هواية الصيد واعرف مااقول هده الهواية تعرفك على اناس صراحة نرفع لهم القبعة يعيشون حياة صعبة وما دالك تجده يحمد الله ويشكره صراحة ستاتي يستحق الشكر على هد العمل.