مجتمع

أطباء بالبيضاء يطلقون نداء للحصول على سكن خلال أزمة كورونا

أطلق مجموعة من الأطباء الداخليين بمستشفى ابن رشد بالدار البيضاء، نداء إلى ساكنة المدينة وبالضبط الأحياء المجاروة للمستشفى قصد منحهم شققا سكنية بشكل مؤقت حتى تمر البلاد من الأزمة الصحية التي تعرفها جراء انتشار فيروس “كورونا”.

وجاء في النداء الذي تم تداوله على صفحات “الفيسبوك” بشكل كبير، “لي عندو فندق أو شي شقة في الأحياء المجاورة لمستشفى إبن رشد و20 غشت والهاروشي يسلفها لينا بينما دازت هاد المحنة”.

وتابع الأطباء في النداء ذاته، “اليوم نعيش ضغطا رهيبا، واحلين مابين مطرقة المرض وسندان واليدينا لي كبار فالسن وكيعانيو من أمراض مزمنة، ديرو راسكم فبلاصتنا وتخيلو الوسواس لي كانحسو بيه كل مرة كانذخلو من الحراسة فالمستعجلات ديال ابن رشد بعد ما كانقلبو حالات مشكوك فيها، وأخرى مؤكدة وما عندك فين تمشي يا داركم يا تنعس فالطوموبيل، كين لي تا ديك الطوموبيل ما عندوش”.

النداء جاء فيه أيضا، “حنا كازاوا و ولاد المدينة، أغلبنا تزاد فأحياء شعبية وشق طريقو حتا وصلنا لداك الشويا ديال العلم لي واصلين ليه، حنا مستاعدين من غدا نتوادعو مع واليدينا ونخرجو نخدمو بضمير وبال مرتاح، ومستاعدين نعرضو راسنا لخطر الإصابة على قبلكم لكن ما مستاعدينش نعرضو واليدينا للمرض أو لا قدر الله الموت، حيت ديك الساعة ما غانقدروش نخدمو وعمرنا نسامحو راسنا”.

وطالب الأطباء في النداء نفسه، من يتوفر على شقة “في الأحياء المجاورة لإبن رشد و20 غشت و الهاروشي، يسلفها لينا بينما دازت هاد المحنة، نداؤنا أيضا لأرباب الفنادق لي كاتصفر، ديرو فينا هاد الخير كيف غادي نتهلاو فيكم و فواليديكم و حبابكم بالإمكانات لي عندنا ساعدونا بالإمكانات لي عندكم، أحسن أجر وصدقة جارية تقدرو تديروها هي هادي حيت والله تا هادشي لي كانفكرو فيه ليل و نهار، لا غير فندق واحد تكفل بهاد القضية فغادي تحلو هاد الأزمة لي مأرقانا منذ أيام وما لقينا ليها الجهد المادي ولا الحل”.

وختم الأطباء نداءهم بالقول، “كانواعدوكم أمانتكم كيف تسلمناها نردوها ليكم راحنا شباب واعي اللخر فينا bac +8 , ومستاعدين نقدمو الضمانات لي بغيتو”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *