زجل.. رايس فرنسا ولى ديب

رايس فرنسا ولى ديب
يتختل لينا جاعر.

قال هاذ الزلزال صعيب
ول Maroc بان واعر.

لكن ..

يا Mr president
نسيتي را المغرب تقدم
وفكر الاستعمار زال.

ف فرنسا تفرش أمرك
وكلشي عاق بمكرك
غشتينا فقطر

لكن ..

عقنا بيك ف الزلزال.

اه جانا زلزال
وحيوطنا عل حيوطنا يتكاو.

والعالم كلو تألم
ولكان ساكت تكلم
الإعلاميين عل خاوتنا حكاو.

وگاع لفرانساويين
لِعارفينا آش ساويين
ضامن معانا.. وعلينا بكاو.

خلاوك وحدك متروك.

قلو لك حنا مع لمغاربة
واش نسيتي را دمنا مع دمهم
فتاريخ فرنسا مشروك.

هاذ الرايس
دخّل فرنسا للهموم
وف أفريقيا زاد همو.

حنا نواجه الزلزال
وهو داخ
فخاوتنا حال فمو.

عيا ماتتشوى
كلامو يتلوى
وكِ لحنش مات بسمو.

ملي شاف ملكنا
زار المصابين..
وعطا مع الشعب دمو.

عجب…

رؤساء فرنسا كانو ديما كبار
وانت وحدك طلعتي مازوزي.

لسانك مسموم
طيحتي لفرنسا السوم
وكل مرة ينوض عليك رزوزي.

من مدة وانت علينا تتهامى
شحال نصحوك الفوهامة
وكان آخرهم Sarkozy.

كل طرقان افريقيا
ضحات فوجهك مسدودة.

عييتي فالدو ماتهدد
وكلمتك ديما مردودة.

الصحرا مغربية حرة
وانت .. بايت
تبدل فالخرايط ولحدودة.

ومالك اوى مالك
قيمة فرنسا طيحتيها
قول طاحت ما بقات تسوى.

النيجر فالگابون
الساحل فرنسا تتشوى.

وكل يؤم تابعاك
الدول شكوى.

Alor
Mr president
?Tu est bon ô quoi